Ұлттар лигасының ширек финалына шыққан барлық құрама анықталды

Топтық кезең нәтижесі бойынша Португалия, Хорватия, Франция, Италия, Германия, Нидерланд, Испания және Дания құрамалары ширек финалға шықты. 

Плей-оффтың жеребе тарту рәсімі 22 қараша күні Швейцарияның Ньон қаласында өтеді. 

Ширек финалдағы ойындар 2025 жылдың 20-23 наурыз аралығына жоспарланған. Жартылай финал 4-5 маусымда өтсе, үшінші орын мен финал матчы 8 маусымда өтеді. 

Қазіргі таңда Ұлттар лигасының жеңімпазы - Испания құрамасы. 

Айта кетейік, Ұлттар лигасына Қазақстан құрамасы да қатысты. В дивизионындағы 3-топта болған отандастарымыз жарыста бірде-бір гол соға алған жоқ. Нәтижесінде С дивизионына төмендеді.