УЕФА Қазақстан футбол федерациясына бір миллион еуро береді

УЕФА президенті Александер Чеферин кеше өткен конгресс отырысында осындай қаржыландыру болатынын, оның болашақта да жалғасын табатынын айтты. Мұндай қаржылық қолдау УЕФА-ның өткен жылдың қорытындысы бойынша 4,58 миллиард еуро пайда табуына байланысты іске асып отыр.

- Біз қосымша түрде әр ассоциацияға бір миллион еуро беру туралы шешім қабылдадық. Мұндай шешімді біз қаржылай қорытындының табысты болуынан және УЕФА турнирі сәтті өткеніне байланысты қабылдадық, - деді Чеферин.

- Біз футбол құндылықтарын қорғайтын боламыз. Моралистермен күресеміз. Футбол адамдарды жақындастыруы керек, - деді УЕФА президенті.

Айта кетейік, бүгінде УЕФА құрамына 55 мемлекеттің футбол федерациялары кіреді.