Аустралияда өтіп жатқан командалық United Cup турнирінде қазақстандық теннисшілер Испанияны ұтып шықты, - деп хабарлайды msports.kz сайты.
Шешуші аралас ойында Александр Шевченко мен Елена Рыбакина жұбы Пабло Карреньо Буста мен Ивон Кавалье-Реймерс жұбын жеңіп шықты. Тартысты өткен ойында үш сет те тай-брейкке дейін жалғасты. Бірінші сетте қазақстандықтар 7:6 есебімен ұтса, екінші сетте қарсыластары 7:2 есебімен жеңіске жетті.
Соңғы сет те тай-брейкке дейін жалғасып, қазақстандық теннисшілер 10:7 есебімен жеңіске жетті.
Бұған дейін жекелей сында Александр Шевченко Пабло Карреньо-Бустаға есе жіберген еді. Ал Елена Рыбакина Лена Джессика Бусас Манейроны жеңіп, есепті теңестірген болатын.
Қазақстан құрамасы топтық кезеңдегі келесі ойынын 30 желтоқсан күні Грекияға қарсы өткізеді.