“Шешконың шеберлігі!“ Словения Қазақстанды үшінші ойын қатарынан ұтып кетті

Матчтағы 3 голды да шабуылшы Беньямин Шешко соғып, хет-трик жасады. Бірінші таймда 23 және 28-минуттарда шеберлігімен көзге түссе, үшінші голын 63-минутта баспен соқты. Осылайша, "Лейпциг" командасында ойнайтын футболшы Словенияға 3 ұпай сыйлады. 

Қазақстан мен Словения құрамалары 2023 жылдан бері үшінші рет кездесті. Бұған дейін өткен екі матчта да Словения 2:1 есебімен ұтып кеткен болатын. 

Екі тур қорытындысы бойынша Қазақстан 1 ұпаймен көш соңына жайғасты. Аустрия құрамасында да 1 ұпай бар, доп айырмасы бойынша алда. Словения мен Норвегия 4 ұпаймен алға озды.