Шавкат чемпиондық атағын қорғап қалды

"Барыс Аренада" өткен жекпе-жекте отандасымыз қарсыласын нокаутпен ұтты. Бірінші раунд аяқталар тұста Шавкат бастаған шабуылдан кейін қарсыласы ес жия алған жоқ.

24 жастағы қазақстандық спортшы мансабындағы 12-ші жекпе-жегін жеңіспен аяқтады. Барлығында жеңіске жетіп келеді. Тіпті барлық қарсыластарын уақытынан бұрын ұтып шыққан.

Айта кетейік, Шавкатқа дейін қазақстандық Сергей Морозов (15-4) та жекпе-жекке шыққан. Ол ресейлік Александр Осетровты (5-1) ұтып, жеңілірек салмақта M-1 Challenge чемпионы атанды.