Серена Уияльмс алтыншы рет жылдың үздік теннисші қызы атанды

"Жыл теннисшісі" атағына ресейлік Мария Шарапова, қытайлық Ли На, чехиялық Петра Квитова, сербиялық Ана Иванович және румыниялық Симона Халеп сынды әлемнің үздік теннисшілері де үміткер атанған болатын. Серена бұл сында тағы да қарсыластарынан оқ бойы озық шықты. 

Естеріңізге сала кетсек, америкалық теннисші бұдан бұрын 2002, 2008,2009, 2012, 2013 жылдары үздік атанған еді. Уияльмс мұндай марапатқа екеуден көп ие болған әлемдегі үш теннисшінің бірі саналады. Бұдан бұрын бұл атақты германиялық Штефи Граф сегіз рет жеңіп алса, чехиялық Мартина Навратилова жеті рет олжалаған екен.

Сурет: rabstol.net