Семсерлесуден Қазақстан құрамасы әлем кубогында үшінші орын алды

Жүлдеге жету жолында қазақстандық спортшылар Гонконг құрамасын - 45:31 есебімен тізе бүктірді. Ширек финалда Италиядан - 45:28 есебімен айласын асырды. Алайда жартылай финалда Жапонияға қарсы 28:45 есебімен есе жіберді.

Үшінші орын үшін өткен тартыста Қазақстан құрамасы Франциядан 35:34 есебімен басым түсті. Ал алтын жүлдені финалда Жапонияны жеңген Венгрия құрамасы иеленді.

Айта кетейік, Қазақстан құрамасының намысын Руслан Құрбанов, Элмир Әлімжанов, Вадим Шарлаимов және Ерлік Сертай қорғады.