Сағындық Тоғамбай Өзбекстан құрамасындағы қазақ боксшыны жеңіп шықты

92 келіге дейінгі салмақта Сағындық Тоғамбай Өзбекстан құрамасындағы этникалық қазақ Мадияр Саидрахимовпен кездесті.

Ауыр салмақтағы боксшылар арасындағы жекпе-жек тартысты өтті. Сағындық қорғаныста мығым, шабуылда ширақ жұдырықтасты. Тіпті екінші раундта қарсыласын бір рет есеңгіретіп, нокдаун да ашты. Осылайша, айқын жеңіске жетті.

Сағындық жартылай финалға жолдама алды. Онда ол қытайлық Лю Таймаомен жұдырықтасады.

Қазақстан құрамасы сапында 19 боксшы жартылай финалға жолдама алды. 1 боксшы финалға шығып қойған.