Роналду «Барселонаға» қарсы ойнамайды

Сәрсенбі күні португалдық футболшыны аяғынан алған жарақаты мазалап жүргені белгілі болған. Ал ертесіне Портуға жол тартқан футболшы еліндегі ауруханалардың бірінде емделіп жатыр екен. Херардо Мартино командасына қарсы ойынға шықпаса да, жаңа ғана жеребе жолдас еткен мюнхендік «Баварияға» қарсы кездесуге шығады деп күтілуде.

Естеріңізге сала кетсек, Чемпиондар лигасының 1/4 финалындағы дортмундтық «Боруссияға» қарсы қарымта кездесуге Роналду жарақатына байланысты қатыспаған болатын. Тағы да Роналдусыз «Реалдың» жағдайы қиын болайын деп тұр...

Дайындаған: Өмірбек Сансызбай

Cурет: vk.com