Роджер Федерер Қазақстанға қарсы матчқа қатысатын болды

«Мен сәуір айында команда капитаны Сэвпен (Северин Люти) және Стэнмен (Станислав Вавринка) бірге Қазақстанға қарсы кездесуде кордқа шығамын»,-деп жазды Федерер өзінің туиттердегі парақшасына.

Роджер Федерер өнер көрсеткен Швейцария құрамасы жарыстың ширек финалына Сербияны 3:2 есебімен ұтқаннан кейін шыққан еді. Бір қызығы, атақты швейцариялық Дэвис Кубогында бірде-бір рет топ жармаған екен.   

Айта кетейік, қазіргі таңда Федерер кәсіпқой теннисшілер қауымдастығының рейтингісінде (АТР) сегізінші, ал оның отандасы, соңғы өткен «Үлкен Дулыға» санатына кіретін Аустралия ашық біріншілігінің вице-чемпионы Станислав Вавринка үшінші орында келеді.  

Естеріңізге сала кетсек, отандастырымыз ширек финалға Бельгия құрамасының теннисшілерін 3:2 есебімен ұтқаннан кейін жолдама алған болатын. Осылайша, қазақстандық теннисшілер төрт жылдың ішінде үш мәрте жарыстың осы кезеңіне шығып отыр.

Сонымен Қазақстан және Швейцария құрамаларының арасындағы ширек финалдық матчтар 4-6 сәуір күндері өтпек. Әзірге кездесудің қай елде өтетіні белгісіз. Ол алдағы уақытта тартылатын соқыр жеребенің нәтижесінде белгілі болады.

Дайындаған: Болат Қосмағамбет

Сурет: kapital.kz