Ризабек Айтмұхан жастар арасында әлем чемпионы атанды

Ризабек 20 жасқа дейінгі әлем чемпионатында 97 келіге дейінгі салмақта чемпион атанды. Бұған дейін дәл осы жарыста 92 келіге дейін бақ сынап, күміс алған. 

Балуан бірінші белдесуінде былтыр чемпион болған ирандық қарсыласы Аболфазла Давуд Бабаланы 12:1 есебімен жеңіп шықты. Одан кейін грек Николас Караваносты да 12:1 етіп жеңді. Жартылай финалда америкалық Джастин Ли Радемахерді 9:1 есебімен ұтты. 

Ризабек финалда әзербайжандық Хетаг Карсановпен белдесті. Қарсыласына бірде-бір ұпай бермей, 10:0 есебімен айқын жеңіп шықты.

Айта кетейік, Ризабек Айтмұхан - ересектер және жастар арасында чемпион атанған тұңғыш қазақ балуаны. Ол 2023 жылы Белградта алтын алған еді.