Радмир Ахмадиев кәсіпқой бокстағы алтыншы кездесуін жеңіспен аяқтады

Радмир Ахмадиев Антрон Пирсонды екінші раундта-ақ техникалық нокаутпен жеңіп шықты. Қарсыласынан ширақ, әрі жылдам, жойқын соққыларымен ерекшеленген отандасымыз қарсыласының жұдырық сермеуіне мүмкіндік берген жоқ. Нәтижесінде 24 жастағы қазақстандық боксшы спорттық мансабындағы алтыншы жекпе-жегін де мезгілінен бұрын аяқтады.

Айта кетейік, Радмир Ахмадиев – Талдықорған өңірінің тумасы. Әуесқой бокста республикалық, халықаралық жарыстарда жеңімпаз атанған. Орта салмақта бақ сынап жүрген Радмир кәсіпқой боксқа 2014 жылы ауысқан болатын.