Платини: "2010 жылы «Алтын допты» испандықтар алу керек еді"

- 2010 жылы «қызыл фурия» финалда Нидерланды құрамасын жеңіп, Әлем чемпионы атанды. Сондықтан Хави, немесе финалда гол соққан Иньеста алуы керек еді. Дегенмен Месси алды. Ол – ұлы футболшы.

2013 жылы Месси, Роналду және Рибери басты фавориттер. Үшеуі де – мықтылар санатында. Сондықтан бұл жылы «Алтын доп» иегерін анықтау қиынға соғары анық.

ФИФА марапатқа дауыс беру уақытын неге созды деген сұраққа:

- Дәл сол уақытта Әлем чемпионатының плей-оффтағы Швеция мен Португалия кездесулері өтіп жатқан. Бәлкім Роналдудың көңілін табайын деген шығар - деп әзілдеді де.

Ал «Алтын допты» иеленген футболшы қандай көңіл-күйде болады деген сұраққа:

- Бұл марапатты иелену мақтаныш. Дегенмен, футбол – командалық ойын. Мен «Алтын допты» алғаннан кейін, кеуде керіп, мақтанып кеткенім жоқ. Сондықтан да енді осы атақты иеленетін футболшылардың «жеке ойыншыға» айналып кетпеуін қалаймын - деп жауап берді.

Естеріңізге сала кетсек, «Алтын допқа» басты үміткер 3 футболшы 9 желтоқсан күні белгілі болады. Ал мараппаттау рәсімі 13 қаңтарда Цюрих қаласында өтеді.

Дайындаған: Өмірбек Сансызбай

Сурет: eurosport.ru