Өзбек боксшысы финалда Абылайхан Жүсіповті тістеп алған (видео)

Шешуші шайқаста оқыс жағдай болған. Өзбек боксшысы Абылайханның иық тұсын тістеп алған. Видеодан да байқауға болады. Мұны боксшының жұбайы Индира Рахимберлина әлеуметтік желісінде жариялады.

Кәсіпқой бокста тәртіп бұзған боксшы қатаң жазаланады (бірден шеттетіледі). Ал Азия чемпионатының финалында төрешілер көз жұма қараған.

Айта кетейік, жекпе-жекте төрешілердің екіге жарылған шешімімен өзбек боксшысы Азия чемпионы атанып кеткен болатын.

P.S Боксшылар тісіндегі капа үстіңгі бөлігіне ғана киіледі. Асты ашық болады. Фотодан астыңғысымен тістегені байқалып-ақ тұр.