Олимпиада чемпионы жаңа басшылық қызметке тағайындалды

Бақтияр Артаев - 1983 жылы Тараз қаласында дүниеге келген. Мұхаммед Хайдар Дулати атындағы Тараз мемлекеттік университетін "Құқықтану", "Менеджмент", Қазақ спорт және туризм академиясын "Дене шынықтыру және спорт", ҚазТұтыну одағы Қарағанды экономикалық университетін "Мемлекеттік және жергілікті басқару" мамандықтары бойынша бітірген. "Құқықтану", "Дене шынықтыру және спорт" магистрі.

Облыс әкімі жаңа басшыға өңірдегі бұқаралық спортпен айналысушылар үлесін арттыруды, командаларды даярлауды және олардың республикалық, халықаралық спорттық жарыстарда өнер көрсетуiн қамтамасыз етуді тапсырды. Білім беру ұйымдарының спорт ғимараттарында сабақтан тыс, кешкі уақытта спорт секциялары жұмысын үйлестіруді және спорттық іс-шаралар өткізуді, "Damu bala" бағдарламасы аясында жан басына шаққанда қаржыландыру мәселесін жүйелендіруді, басқа да міндеттерді айқындап берді.

Айта кетейік, бұған дейін Олимпиада чемпионы Серік Сәпиев те Қарағанды облысының спорт басқармасына басшы болып тағайындалған болатын.