Неймар алғашқы кездесуін өткізді (видео)

Гданьск қаласында өткен қос ұжым арасындағы жолдастық кездесу 2:2 есебімен тең аяқталды. Польшалық команданың сапынан Ярослав Бьенюк пен Петр Гжелчак көзге түссе, «Барселона» командасынан Серхио Роберто мен Лионель Месси бір-бір голдан еншілеріне жазды. Неймар кездесудің 78 минутында Алексис Санчестің орнына кірді.

«Менің арманым орындалды. Бірақ, маған әлі өз бабыма келу үшін аздап уақыт керек» - деді Неймар кездесу соңынан. Ол әлемнің үздік ойыншысы Мессимен бір команда сапында ойнайтынына бақытты екенін де жеткізді.

Естеріңізге сала кетер болсақ, Неймар 3 шілде күні каталондық команданың негізгі ойыншысы болып танылған болатын. 21 жасар футболшы командамен 5 жылға келісім-шартқа отырған-ды.

writeFlash({"src":"https://www.youtube.com/v/xa4dTj-l7vk","width":"450","height":"340"});

writeFlash({"src":"https://www.youtube.com/v/zcssx862KeY","width":"450","height":"340"});

Дайындаған: Өмірбек Сансызбай

Сурет: sport-xl.net