Месси – үздік, Роналду – бағалы футболшы атанды

Каталондық «Барселонаның» шабуылшысы Лионель Месси ең үздік шабуылшы марапатына ие болды. Аргентиналық футболшы өткен маусымда 46 гол соғып, үздік сұрмерген де болып табылған болатын. Ал «корольдік клубтың» жартылай қорғаушысы Криштиану Роналду 34 гол соғып, 9 нәтижелі пас шығарған еді. Сонымен қатар Ла-Лиганың күміс жүлдесіне қол жеткізген-ді. Енді өткен маусымдағы Испания біріншілігінің қорытындысы бойынша, португалдық ойыншы ең бағалы футболшы атанды.

Өзге де үздіктер:

Ең үздік бапкер: Диего Симеоне ("Атлетико М")

Ең үздік қақпашы: Тибо Куртуа ("Атлетико М")

Ең үздік қорғаушы: Серхио Рамос ("Реал")

Ең үздік жартылай қорғаушы: Асьер Ильяраменди ("Реал Сосьедад"/"Реал")

Ең үздік шабуыл шебіндегі жартылай қорғаушы: Андрес Иньеста ("Барселона")

Fair-play жүлдесі: Икер Касильяс ("Реал")

Fair-play командалық жүлдесі: «Атлетик Бильбао»

Дайындаған: Өмірбек Сансызбай

Сурет: eurosport.ru