“Манчестер Юнайтед“ командасына жаңа бас бапкер тағайындалды

Қос тарап 2+1 жүйесі бойынша келісімшартқа қол қойды. Яғни 2027 жылдың жазына дейін Рубен командада бас бапкер болады. Сондай-ақ нәтижесіне қарай тағы бір маусымға ұзарту жайы қарастырылған. 

Португалиялық маман қараша айындағы халықаралық үзіліске дейін "Спортингті" жаттықтыра тұрады. Ал оған дейін манкуниандық клубты Руд ван Нистелрой ойындарға бастап шығады. 

Рубен Аморим "қызыл сойқандар" тізгініндегі бірінші ойынын 24 қараша күні "Ипсвич Таунға" қарсы өткізеді деп күтілуде. 

Айта кетейік, ағылшындық клуб бұған дейін бас бапкер болған Эрик Тен Хагты төмен нәтижесіне қарай қызметінен ерте босатқан еді.