Қызылордада таеквондодан ҚР IV жазғы Спартакиадасы мәресіне жетті

ҚР IV жазғы Спартакиадасы жас таланттардың ерекше өнерімен ерекшеленді. 5 бірдей Қазақстан ұлттық құрамасының саңлақтары сүрініп, алғашқы айналымдарда жарыс жолынан шығып қалды. Сарапшылардың пікірінше, бұл керемет - жетістік. Өйткені, ұлттық құраманың болашағы – жас талантты таеквондошылар. Енді ғана танылып келе жатқан жастар - жоғарғы деңгейде өткен жарыстың көрігін қыздыра білді.

Жалпыкомандалық есепте бірінші орынды Алматы қаласының спортшылары жеңіп алды. Олар жарыста 4 алтын, 2 күміс, 2 қола жүлде еншіледі. Екінші орынға 4 алтын, 1 күміс, 1 қола жүлдемен Қызылорда өңірінің спортшылары ие болса, үштікті Атырау облысының (4 алтын, 2 қола) спортшылары қорытындылады.

Жарысты жақын күндері «KazSport» арнасы көрермендерге ұсынатын болады.