Қуат «Найман» Хамитов «ONE FC» турнирінде жеңіліп қалды (видео)
Бірінші раундтан бастап сылбыр қимылдаған отандасымыз тек қорғанысты назарға алумен болды. Ширақ қимылдауға тырысқан америкалық спортшы өз ұстанған жүйесін жүзеге асыра білді. Үшінші раундта барып қана әдіс-тәсілін еске түсірген «Найманның» жолы болмады. Қарсыласының қателігін аңғарғанмен, өз пайдасына шеше алмады. Нәтижесінде ширақ қимылдаған Лоужн Тайнанес төрешілер шешімімен жеңіске жетті.