Қолтаңба беруден қашқан Погба жарақат алып қала жаздады (видео)

Поль Погба достарымен Манчестердегі мейрамханалардың біріне бас сұққан. Онда "қызыл сойқандардың" бірнеше жанкүйерлері футболшыны танып, қолтаңба сұраған. Ал Погба өз кезегінде қолтаңба беруден бас тартқан. Нәтижесінде жанкүйерлер оның бұл қылығын құрметсіздік ретінде бағалап, мейрамханада бүлік шығарған. Футболшыға тәрелке лақтырып, ауыр тиетін сөздермен балағаттаған. Мейрамхана әкімшілігі полиция шақырған. Тәртіп сақшылары келгенше қызуқанды жанкүйерлер ізін суытып үлгеріпті.