Көкпардан Қазақстан ұлттық құрамасы финалға шықты

Қазақстандық көкпаршылар жартылай финалда Ресей командасын 18:2 есебімен ұтты. Финалда отандастарымыз қырғыздармен алтын жүлдені сарапқа салады.

"Қазанат" ипподромында өтіп жатқан көкпар бәсекесіне 9 мемлекеттің құрамасы қатысып жатыр. Бұл спорт түрінен барлығы 104 спортшы сынға түсуде.

Финалдық ойын 12 қыркүйекте өтеді. Астана уақытымен сағат 11:00-де басталады.

Айта кетейік, Қазақстан құрамасы бірінші ойында өзбек көкпаршыларын 16:0 есебімен ұтқан болатын. Кеше АҚШ құрамасынан 12:4 есебімен басым болды.