Қазақстанмен ойынға дейін Португалия құрамасы 8 жыл бойы ұтылмаған

Португалия құрамасы бұған дейін 2016 жылы өткен Әлем чемпионатының жартылай финалында ғана Аргентинадан 2:5 есебімен жеңілген. Одан бергі аралықта әлем және Еуропа чемпионы атанды. 38 ойын қатарынан жеңілістің кермек дәмін татпаған. 

"Уау, футзалдан әлем чемпионатындағы тамаша күн! Қазақстан әлем чемпионы атағына ие Португалияны ұтып, 2021 жылғы жартылай финалдағы есесін қайтарды. Соңғы секундта драмалық жеңіліске ұшыраған Португалия құрамасының 2016 жылдан бері 38 матчқа созылған жеңіліссіз ойындар сериясы тоқтады", - деп жазды The Guardian журналисі Джейми Фэхи. 

Айта кетейік, кеше Кака жаттықтыратын Қазақстан құрамасы 1/8 финалда Португалияны 2:1 есебімен ұтты. Ширек финалдағы қарсыласы Аргентина-Хорватия ойынынан кейін белгілі болады.