Қазақстандық өнер жұлдыздары нидерландтық әріптестерін жеңді (видео)

Еліміздің намысын қорғап жатқан «Алатау» командасы топтық кезеңді Германиядан кейін екінші орынмен аяқтаған еді. 1-4 орындар арасындағы командалардың жүлделі орындарға таласуы «All Stars» деп аталса, 5-8 орындарға таласатын командалар «Super Stars» кезеңінде бақ сынайды. Бұл кезеңнің жартылай финалында қазақстандық өнер жұлдыздары Нидерланд командасын жеңіп, финалға шығып отыр. 5-ші орын үшін Словения және Беларусь құрамаларының жеңімпазымен кездесетін болады.

Айта кетейік, қазақстандық өнер жұлдыздары өткен жылы да бұл додаға қатысқан болатын. Әлем чемпионаты немесе «Арт-футбол» деп аталатын жарыс – әлемдік деңгейдегі қайырымдылық акциясы негізінде ұйымдастырылып келеді. Әншілер доп теуіп қана қоймай, бос кездерінде түрлі концерттік іс-шаралар да ұйымдастырады. Одан түскен қаражат науқас балаларды емдеуге жұмсалады.