Қазақстан құрамасының ФИФА рейтингіндегі көрсеткіші құлдырады

Жаңарған ФИФА рейтингінің алғашқы ондығында өзгерістер орын алған. Германия құрамасы көш басына шықса, бразилиялықтар екінші орынға сырғыды. Ал Аргентина құрамасы үздік үштіктен шығып, Португалияға орын берді.

1 (2). Германия - 1606 ұпай
2 (1). Бразилия - 1590
3 (6). Португалия - 1386
4 (3). Аргентина - 1325
5 (9). Бельгия - 1265
6 (5). Польша - 1250
7 (4). Швейцария - 1210
8 (10). Франция - 1208
9 (7). Чили - 1195
10 (8). Колумбия - 1191

Жаңарған рейтингтегі ең төменгі нәтижені Чад ұлттық құрамасы көрсетіп отыр. Олар бірден 31 саты төмендеп, 131-ші орынға тұрақтаған. Бұл рейтингтің үздік көрсеткішін Кабо-Верде құрамасы еншіледі. Олар 47 саты жоғарылап, 67-орынға табан тіреген.

Қазақстан құрамасы осы айда 2018 жылғы әлем чемпионатына іріктеу кезеңі аясында Черногория және Польша құрамаларына қарсы ойын өткізді. Екі ойында да қарсыластарына 3:0 есебімен есе жіберді.

Айта кетейік, ФИФА рейтингі 1993 жылдан бері түзіліп келеді. Сол арқылы ұлттық құрамалардың өсу деңгейін, көрсетіп келе жатқан нәтижелерін бағамдауға болады. Рейтинг тарихында көш тізгінін 7 ұлттық құрама ғана иеленген. Оның бесеуі Еуропадан болса, екеуі – Оңтүстік Америка құрлығынан. Олар: Германия, Италия, Франция, Испания, Нидерланды, Бразилия және Аргентина.