Қазақстан бокс федерациясы Азияның үздігі атанды

2024 жылдың қорытындысы бойынша барлығы 17 номинация жарияланып, оның ішінде Қазақстан 4 аталымда жеңімпаз деп танылды. 

Қазақстан бокс федерациясы Азияның үздігі болды. Ал ерлер арасындағы үздік боксшы марапатына отандасымыз Сағындық Тоғамбай ие болды. 22 жасқа дейінгі жастар арасында Темірлан Мұқатаев үздік деген номинация алды. 

Жастар арасындағы үздік боксшы марапатына 67 келіге дейінгі салмақта жұдырықтасатын Төрехан Сабырхан ие болды. Ол жуырда ғана ересектер арасына ауысып, Қарағандыда өткен ел чемпионатында топ жарды.