Қазақстан Азия кубогының екінші күні де жеңілді

Оңтүстік Корея құрамасымен сынға түскен Қазақстан құрамасы үш кезеңде де қарсыластарына есе жіберді. Бірінші кезеңде терезесі тең өнер көрсетіп келе, соңына қарай 22:25 есебімен жеңіліп қалды. Екінші кезең 14:25 есебімен толықтай қонақтар пайдасына шешілді. Соңғы сәттерде намысқа тырысқан Андрей Патраков шәкірттерінен нәтиже шықпады. Қорытындысында екі кездесуден бірде-бір кезеңді сәтті аяқтай алмаған жерлестеріміз ертең дәл осындай нәтижемен келе жатқан Жапония құрамасымен кездеседі.

Екінші күннің шымылдығын түрген кездесуде Аустралия құрамасы Тайландқа 0:3 есебімен ұтылды. Кеше жеңіске жеткен Үнді мен Иран құрамалары екінші күні де жеңісті жолын жалғады. Ертең топтық кезеңнің соңғы ойындары өтеді.

Үшінші күн кестесі

11:00. Иран – Аустралия

14:00. Тайланд – Қытай

16:00. Үндістан – Оңтүстік Корея

18:00. Қазақстан – Жапония

Ойындар Астана уақытымен көрсетілген

Дайындаған: Өмірбек Сансызбай

Сурет: volley.kz