Қазақ балуандары Иранда жүлделі орыннан көрінді

Иранның әйгілі балуаны Голамреза Тахтиді еске алуға арналған халықаралық турнир жыл сайын ұйымдастырылып келеді. Биыл бұл жарыс 37-ші рет жалауын желбіретті.

Еркін күрестен қазақ балуандары топта украин, қырғыз және ирак балуандарын жеңді. Жартылай финалда армян балуандарымен 4:4 есебімен тең түсіп, қосымша көрсеткіштер бойынша жол беріп алды. Үшінші орын үшін өткен белдесулерде отандастарымыз Иранның екінші құрамдағы командасын 5:3 есебімен жеңіп, жүлделі орыннан көрінді.

2017 жылғы «Тахти кубогы» боз кілем иелеріне бұйырды. Олар Армения құрамасының балуандарынан басым түсті.