Қанат Ислам Головкиннен жеңілген боксшымен жұдырықтасуы мүмкін

Колумбиялық боксшы қазақстандық жанкүйерлерге жақсы таныс. Ол 2010 жылы Геннадий Головкинмен WBA тұжырымы бойынша уақытша чемпиондық атаққа таласқан болатын.  Панамада өткен жекпе-жекте отандасымыз Мильтон Нуньезді бірінші раундта-ақ ұрып құлатқан еді. Нәтижесінде колумбиялық кәсіпқой рингтегі екінші жеңілісінің кермек дәмін татқан-ды.

28 жастағы Мильтон Нуньез 2010 жылдан 21 жекпе-жек өткізген. Оның 8-де ғана жеңіске жеткен. Ал спорттық мансабында 45 жекпе-жек өткізген. 29 рет жеңіске жетіп, 15 рет жеңілген. 1 рет тең түскен. Соңғы рет желтоқсан айында Колумбияда отандасы Техеран Эдинсонды жеңген.

Айта кетейік, осыған дейін Қанат Ислам спорттық мансабындағы 21-ші жекпе-жегін Қытайда өткізетіні туралы айтылған болатын. Сондай-ақ, 2016 жылдың екінші жартысында Қазақстанда да бір жекпе-жегін өткізуді жоспарлап отыр.