Қанат Ислам IBF рейтингінде екі сатыға жоғарылады

Қазақстандық былғары қолғап шебері қаңтар айында жасалған тізім бойынша 15 сатыда еді. Ал сәуір айының басында жасалған тізім бойынша, отандасымыз 2 саты жоғарылап, 13 сатыға жайғасыпты. 

Ал жартылай орта салмақта сынға түсіп жүрген Жанқош Тұраров 12-орнын сақтап тұр. 

Айта кетейік, Қанат Ислам соңғы рет 18 ақпан күні АҚШ-тың Делавэр штатының Уилмингтон қаласында өткізіп, бразилиялық Робсон Ассисті бірінші раундта нокаутқа түсірген болатын.

Қанат Ислам келесі кездесуін мамыр айына жоспарлап отыр. Кезекті кездесуіне дайындық жұмыстарын бастау үшін "QAZAQ" осы аптаның ішінде АҚШ-қа жол тартады.