Қанат Ислам 26 қазанда намибиялық боксшымен жекпе-жекке шығады

- Қанат Ислам (26-0, 21 KO) келесі жекпе-жекте Уолтер Каутондоквамен (18-1, 17 КО) кездеседі.

Кездесуде Қанат Исламға тиесілі бірінші орта салмақта WBO International чемпион атағы сарапқа салынады.

Естеріңізге сала кетсек, Уолтер Каутондоква WBO нұсқасы бойынша ТОП-10 боксшының тізімінде 10-шы орында тұр, - деп жазды Qazaq Promotions instagram желісіндегі ресми парақшасына.

Уолтер Каутондоква – 34 жаста. 2018 жылы WBO-ның орта салмақтағы чемпионы Деметриус Андрадемен (26-0, 17КО) қолғап түйістірген. 119-105, 120-104, 120-104 есебімен америкалық боксшыға есе жіберіп, алғаш рет жеңілістің кермек дәмін татқан. Осы жылдың мамыр айында малавилік боксшы Симон Тшетаны нокаутпен жеңген.

Қанат Ислам соңғы жекпе-жегін 5 шілде күні өткізді. Алматыда Доминикан Республикасынан келген Хулио де Хесусты 14 секундта нокаутқа түсірген болатын.