Жәнібек Әлімханұлы екі чемпиондық белбеуін де қорғайтын болды

Бастапқыда Жәнібек IBF чемпиондық атағын ғана қорғайды деп айтылған. Кейіннен WBO президенті Франсиско "Пако" Валькарсель твиттер желісінде бұл ұйымдағы атағын да қорғайтынын жазды. 

Бокс кеші 4 қазан күні Сиднейде (Аустралия) өтеді. 

Айта кетейік, екі боксшы шілде айында жұдырықтасуы керек болған. Өкінішке қарай, қазақстандық боксшы салмақ қуу кезінде есінен танып, ауруханаға түсіп қалған болатын. Нәтижесінде, жекпе-жек кейінге шегерілген еді.