Екі дүркін Олимпиада чемпионы атағына ие өзбек боксшысы Баходир Жалолов кәсіпқой бокстағы жолын жалғайды, - деп хабарлайды msports.kz сайты.
Париждегі Олимпиада ойындарынан кейін ол әуесқой бокстан кеткенін айтып, кәсіпқойға біржола ден қоятынын хабарлаған еді.
Баходир келесі жекпе-жегін 6 ақпан күні Монреальда (Канада) өткізеді. Француз боксшысы Давид Спильмонтпен (16-8-1, 11 КО) жұдырықтасады.
🚨New from Brunch Boxing🚨
📣ANNOUNCED
📆02/06
📍Montreal, Quebec, Canada
🇺🇿”The Big Uzbek” Bakhodir Jalolov Set For February 6 Return In Montreal
☕️Full details inside
✍️Napoleon Fly
Our story: https://t.co/7Ndl0C5bNm pic.twitter.com/uNey0zk9Nt — Brunch Boxing (@BrunchBoxing) November 18, 2024
Спильмонт BoxRec рейтингінде 157-орында тұр. Соңғы рет 16 қараша күні отандасы Артем Чернякевичті жекпе-жек уақытынан ерте жеңіп шыққан. 25 жекпе-жекке шығып, 16-да ұтқан. 8 рет ұтылған. 1 кездесуінде тең түскен.
Жалолов болса кәсіпқой бокстағы соңғы жекпе-жегін 2023 жылдың 17 қарашасында өткізген. Ташкенттегі бокс кешінде оңтүстікафрикалық Крис Томпсонды бірінші раундта нокаутпен жеңіп шыққан болатын. Кәсіпқой бокстағы 14 жекпе-жегінің бәрінде жеңіске жетіп келеді.