Жалоловты 4 рет жеңген қазақстандық боксшы кезекті жекпе-жегіне шығады

Иван Дычко 27 желтоқсан күні Алматыда өтетін бокс кешіне қатысады. Қарсыласының есімі әзірге белгісіз. Бұл туралы All Stars Boxing промоутерлік компаниясының баспасөз қызметі хабарлады. 

Айта кетейік, Дычко кейінгі айқасын тамыз айында АҚШ-та өткізіп, жергілікті боксшы Крейг Льюисті (15-8-1, 8 КО) нокаутқа түсірген болатын. 

Ал әуесқой бокста Иван Дычко Олимпиаданың екі дүркін чемпионы атанған өзбек Баходир Жалоловты төрт рет жеңген қазақстандық жалғыз боксшы.