Исламхан «Қайратқа» ресми түрде ауысты

Қазақстан жастар құрамасының капитаны жақында өткен «Достастық Кубогы – 2014» халықаралық турнирінде үздік ойын өрнегін көрсеткен болатын. Осыған дейін де футболшының «Қайратқа» ауысатыны туралы ақпараттар тарағанымен, екі тарап толық келісімге келе қоймаған еді. Енді «Тараз» мектебінің түлегімен алматылық ұжым үшжылдық келісімшартқа қол қойды.

Естеріңізге сала кетсек, 2013 жылғы маусымда Бауыржан Исламхан ресейлік «Кубань» қатарына ауысып, кейіннен елордалық «Астана» командасына жалға берілген болатын.

 Дайындаған: Өмірбек Сансызбай

Сурет: vk.com