Головкиннің командасындағы боксшы 24 наурызда шаршы алаңға шығады

Геннадий Головкиннің командасындағы боксшы Голливудтағы Hollywood Fight Nights бокс кешінде бақ сынайды. Қарсыласы - 37 жастағы америкалық боксшы Майк Гай (9-3-1, 5 КО). Жекпе-жек 6 раундқа жоспарланған.

Али Ахмедов жуырда ғана салмақ ауыстырған еді. Осыған дейін жартылай ауыр салмақта жұдырықтасып келсе, енді супер орта салмақта бақ сынайды. Майкқа қарсы жаңа салмақта алғашқы жекпе-жегін өткізеді.

Айта кетейік, Али Геннадий Головкин негізін қалаған GGG Promotions промоутерлік компаниясы атынан жұдырықтасып келеді.