Головкиннің Альвареспен жекпе-жегі Коттомен кездесуіне қарағанда маңыздырақ - Абель Санчес

"Меніңше, "Канеломен" жекпе-жек өткізу маңыздырақ. Оның жанкүйерлері көп. АҚШ-тың оңтүстік бөлігі үшін бұл үлкен оқиға болады. Егер "Канело" Коттоны ұрып жықса, онымен кездесуіміз маңыздырақ болды. Егер Котто "Канелоны" жеңсе де, "Канело" біз үшін маңыздырақ болады, себебі оның жекпе-жектерін көргісі келетіндер көп", - деп мәлімдеді Санчес. 

Еске сала кетейік, Геннадий Головкиннің промоутері Том Леффлер Головкин-Лемье және Котто-Альварес жекпе-жектерінің жеңімпаздарының бір-бірімен кездесетінін айтқан болатын. "WBC қаулы етті, Котто - Альварес жеңімпазы Головкин - Лемье жекпе-жегінің жеңімпазымен төбелеседі", - деп мәлімдеді Леффлер.

Ал оның алдында Дүниежүзілік бокс кеңесінің (WBC) президенті Маурисио Сүлеймен орта салмақта WBC чемпионы Мигель Котто мен мексикалық Сауль "Канело" Альварестің арасындағы жекпе-жектің жеңімпазының осы салмақтағы WBA (Super), IBO және WBC (Interim) чемпионы Геннадий Головкинмен кездесуге міндетті болатынын мәлімдеген еді. Ал Лемье жайлы мәселе қозғалған жоқ.