Головкинге ыңғайсыз қарсылас саналатын боксшының есімі аталды

Абель Санчес кезекті сұхбатында Геннадий Головкинге ыңғайсыз қарсылас ретінде америкалық Питер Куиллиннің есімін атады. Орта салмақта әлемнің экс-чемпионы жұдырықтасу стилі бойынша отандасымызға айтарлықтай қауіп төндіруі мүмкін екен.

- Куиллин жұдырықтасу стилі бойынша Головкинге айтарлықтай қарсылық танытуы мүмкін. Алайда онымен Головкиннің шаршы алаңда жұдырықтасуы екіталай. Әрине, барлығы Питердің өзіне байланысты. Бірақ ол ірі көлемде сыйақы алуды мақсат тұтады, - деді Абель Санчес.

Айта кетейік, Геннадий Головкин мен бапкерлері келесі кездесуін 2016 жылдың ақпан айында өткізуді жоспарлап отыр. Сауль Альварес пен Мигель Котто арасындағы жекпе-жектің жеңімпазы отандасымызбен жұдырықтасуы тиіс. Егер бас тартқан жағдайда WBC тұжырымдамасы бойынша әлем чемпионы атағы отандасымызға беріледі.