Головкин келесі жекпе-жегін қашан өткізеді?

The Athletic басылымының мәліметінше, Головкиннің командасы келер жылы көктемде жекпе-жек өткізуді жоспарлап отыр. Қарсылас ретінде бірінші орта салмақтың бұрынғы чемпионы Хайме Мунгия (36-0, 29 КО) мен Сауль Альварес (53-1-2, 36 КО) қарастырылуда.

Айта кетейік, бүгін GGG мансабында 21-мәрте чемпиондық атағын сәтті қорғап шықты. Жекпе-жек сегізінші раундта аяқталды. Шеремета тоғызыншы раундқа шықпай, шайқасты жалғастырудан бас тартты. Поляк кәсіби мансабында тұңғыш рет жеңіліс құшты.