Қазақстандық боксшы Геннадий Головкин мен соңғы 11 жылдың ішінде шаршы алаңда толық 12 раундты өткізіп, америкалық Дэниэл Джейкобстан үстем түсіп, өзінің чемпиондық атақтарын сақтап қалды. Бұл жекпе-жекте GGG тек өзінің жеңіліссіз сериясын ғана жалғастырып қоймай, өзге де көрсеткіштерін жаңартып алды, - деп жазады Vesti.kz сайтының қазақ бөлімі. 

Бұл жекпе-жектен пайда үш түрлі әдіспен: билеттердің сатылымынан, ақылы көрсетілімнен (PPV) және қолжетімді трансляциялардан түсті. Джейкобсқа қарсы жекпе-жек Головкиинге "Madison Square Garden" спорт кешеніне жанкүйер жинау көрсеткішін де арттырды. Жалпы бұл спорт кешенінде өткен кездесуге билеттер 3,7 миллион доллар көлемінде сатылды. 

Головкин мен Джейкобс арасындағы айқасты HBO телеарнасы ақылы жүйе бойынша көрсетті. Қазақстандық боксшының промоутері Том Леффлердің таратқан мәліметі бойынша, кездесуді 153 мыңнан аса көрермен ақылы тамашалаған. Осылайша бұл жүйе бойынша табыс 8,4 миллион долларға жетіпті. Бірақ бұл қаржының тек жартысы ғана екі боксшыға беріледі. Қалғаны ақылы трансляцияны ұйымдастырған компанияларға беріледі. 

Дегенмен PPV жүйесінің нақты табысы әлі ресми жарияланған жоқ. Кейбір БАҚ-дың таратқан мәліметі бойынша, бұл көрсеткіш әлі біршама артуы ықтимал. 
 
Тағы 1 миллион доллардай ақшаны халықаралық қолжетімді трансляциядан түсіпті. Чемпиондық белбеу үшін өткен Головкин мен Джейкобстың жекпе-жегін әлемнің 100-ден аса елінде көрсеткен. Екі боксшының кәдесыйларынан (атрибутика) 150 мың доллар кіріс кірген. 

Жалпы бұл кездесудің табысы 13 миллион доллар көлемінде болыпты. Мұндай табыстың көрсеткішімен екі боксшы да пайдаға кенеліп қалды. Нақты айтсақ, Геннадий Головкин бұл кездесуі үшін 2,5 миллион доллар сыйақы алса (бұл отандасымыздың ең көп алып отырған сыйақысы), Джейкобс 1,75 миллион алды.