Футболдан Қазақстан құрамасының қорғаушысы Константин Энгельдің мұрны сынды
Энгель 5 сәуірде болған "Франкфуртқа" қарсы ойынында негізгі құрамда алаңға шықты. Жоғарыдан келе жатқан допқа таласта Энгель мұрнын сындырып алып, 69-шы минутта басқа ойыншымен алмастырылды.
"Ингольштадт" футбол клубы командасының ресми сайтында Энгельге операция сәрсенбі күні жасалатыны жазылған. Футболшының қайта алаңға шығуына екі аптадай уақыт кетеді. Айта кетейік, 31 мамыр күні Энгель Қазақстан құрамасында Ресейге қарсы жолдастық кездесуде ойнаған. "Химки Арена" стадионында болған матчта есеп ашылған жоқ.
сурет: tengrinews.kz