Франция президенті жолдастық ойында қарсыласын шалып жықты

Қайырымдылық матч Плезирдегі "Бернар Жиру" алаңында өтті. Макрон өзін алдап кеткен Сенегал құрамасының бұрынғы ойыншысы Эль-Хаджи Диуфты шалып тоқтатты. 

Ойында Франция президенті ойнаған команда 5:3 есебімен жеңіске жетті. Саясаткер ойында пенальтиден гол соқты. Сондай-ақ ойынға Франция құрамасының бас жаттықтырушысы Дидье Дешам, "Арсеналдың" бұрынғы бапкері Арсен Венгер, Эден Азар, Дидье Дрогба сынды футболшылар қатысты. 

Айта кетейік, Эмманюэль Макрон өткен жылдың қараша айында Қазақстанға ресми іс-сапармен келіп кеткен болатын.