Футболдан Швейцарияның Ньон қаласында Еуропа лигасының жеребесі тартылды. Қазақ футболы тарихында алғаш болып плей-офф кезеңіне жолдама алған Астанаға Португалияның Спортинг командасы қарсылас атанды. Станимир Стойлов жаттықтыратын елордалық команда топтық кезеңде 10 ұпай жинап, екінші орынмен 1/16 финалға жолдама алған еді. Плей-оффта отандастарымыз Лиссабонның Спортинг командасымен кездесетін болды. Қос команда арасындағы бірінші ойын 15 ақпан күні Астанада, қарымта кездесу араға бір апта сала португалиялық клубтың алаңында өтеді. Боруссия Дортмунд (Германия) - Аталанта (Италия)Ницца (Франция) - Локомотив (Ресей)Копенгаген (Дания) - Атлетико Мадрид (Испания)Спартак (Ресей) - Атлетик Бильбао (Англия)АЕК (Грекия) - Динамо Киев (Украина)Селтик (Шотландия) - Зенит (Ресей)Наполи (Италия) - Лейпциг (Германия)Црвена Звезда (Сербия) - ЦСКА (Ресей)Лион (Франция) - Вильярреал (Испания)Реал Сосьедад (Испания) - Зальцбург (Австрия)Партизан (Сербия) - Виктория Пльзен (Чехия)Стяуа (Румыния) - Лацио (Италия)Лудогорец (Болгария) - Милан (Италия)Астана (Қазақстан) - Спортинг (Португалия)Эстерсунд (Швеция) - Арсенал (Англия)Марсель (Франция) - Брага (Португалия) 2017/2018 маусымдағы Еуропа лигасының финалы Францияның Лион қаласындағы Парк Олимпик Лионне стадионында өтеді. Айта кетейік, жаңа ғана Чемпиондар лигасы 1/8 финалының жеребесі тартылған болатын.