"Еуразия Барысында" ел намысын кімдер қорғайды?
Таразда өтетін «Еуразия Барысы-2013» додасына 8 мемлекеттің кіл мықтылары қатысады. Олар: Қазақстан, Ресей, Тәжікстан, Қытай, Польша, Түркия, Иран және Моңғолия. Жүлде қоры 100 мың АҚШ долларын құрайтын білекті балуандар айқасы 5 салмақ дәрежесінде командалық жүйеде өтеді. Ал боз кілемдегі белдесулерді әлемнің 120 мемлекеті тікелей эфирден тамашаламақ. Турнирдің бас демеушісі – «Самұрық-Қазына» Ұлттық әл-ауқат қоры.
"Еуразия Барысы" турниріне қатысатын Польша құрамы:
60 келі: Кшыштоф Киелбус (жасы жиырмада)
70 келі: Себастиан Джаниски
80келі: Лукаш Блач
90 келі: Камил Козловски
+90 келі: Масейдж Сарнаски
Ресей құрамасы құрамы:
60 келі: Сергей Филиппов
70 келі: Андрей Ковалевский
80 келі: Артем Ковалевский
90 келі: Дмитрий Михайлов
+90 келі: Алексей Александров
Моңғолия құрамасы құрамы:
60 келі: Ганболд Херлен
70 келі: Санжаасурен Миярагша
80 келі: Ган Тувшинжаргал
90 келі: Серік Бәйкемұрат
+90 келі: Сугаржардал Болдпурев
Тәжікстан құрамасы құрамы:
60 келі: Ибодулло Әлибердизода
70 келі: Әзизи Бахтиер
80 келі: Зульфикор Одинаев
90 келі: Олимжон Авезов
+90 келі: Зафархон Сайдалимов
Иран құрамасы құрамы:
60 келі: Сохбанберді Сафари
70 келі: Хамид Мирзаи
80келі: Мехди Вазари
90 келі: Жафар Юнеси Бордж
+90 келі: Насыр Сахраи Доулатхане
Түркия құрамасы құрамы:
60 келі: Өмір Фарух Өзбай
70 келі: Мұрат Ышык
80 келі: Мұстафа Жошкун
90 келі: Ердал Доған
+90 келі: Бюлент Доған
Қытай құрамасы құрамы:
60 келі: Ериденгбаолига
70 келі: Ли Чанкунг
80 келі: Иерденг Чаокету
90 келі: Фан Жиан
+90 келі: Ядир
Назарларыңызға 5 салмақ дәрежесіндегі негізгі құрам балуандарын ұсындық.
«Eurasia Barysy» додасында ел намысын қорғайтын Қазақстан ұлттық құрамасының балуандары да белгілі болды.
60 келі салмақ дәрежесінде боз кілемде ел намысын алматылық Абзал Арыстанбеков қорғайды. Ол жақында ғана аяқталған ҚР еңбек сіңірген бапкер, КСРО-ға еңбек сіңірген бапкер Дәулет Тұрлыхановтың жүлдесі үшін өткен ІІ халықаралық турнирде топ жарған болатын. Қосалқы құрамда Талдықорған өңірінің балуаны Амангелді Сатыбалдинов шығады.
70 келі салмақта 2008 жылғы әлем чемпионы, 2010 жылы Азия біріншілігінде топ жарып, 2011 жылы әлем Кубогіне иелік еткен Ерлан Естек бақ сынайды. Сондай-ақ, әлем Кубогінің иегері Қуаныш Мұратов та (ШҚО) осы салмақта өнер көрсетеді.
80 келі салмақ дәрежесінде Қарағанды балуаны Ерсін Мұхамеджановтың жолына үмітпен қараймыз. 2011 жылғы «Қазақстан Барысының» қатысушысы Ерсін жанкүйерге «Сарыарқаның Сұңқары» деген атпен таныс. Сонымен қатар бұл салмақта Саят Шәмшиевке де жанкүйерлік танытамыз. Ол самбо мен дзюдодан ел чемпионы.
90 келіде Мұхит Тұрсынов белдеседі. Ол – қазақ күресінен халықаралық дәрежедегі спорт шебері, әлем Кубогінің иегері. Ал бұл салмақта бақ сынайтын екінші балуан – Бекзат Ахметбеков. Бекзат - қазақ күресінен спорт шебері, әлем Кубогінің қола жүлдегері ел чемпионаты мен Азия біріншілігінде және халықаралық жарыстарда жүлдегерлер қатарынан көрініп жүрген талантты спортшылардың бірі.
Ал аса ауыр салмақта «Қазақстан Барысының» 2012-2013 жылғы ең мықты балуандары Бейбіт Ыстыбаев пен Айбек Нұғымаров ел абыройын асқақтатуға тырысатын болады.
Естеріңізге сала кететін болсақ, жүлде қоры 100 мың АҚШ долларын құрайтын білекті балуандар айқасы 7 желтоқсанда «Тараз Арена» спорт кешенінде бастау алады. Жерлестеріміз намысты қолдан бермейді деген сенімдеміз!
Дайындаған: Өмірбек Сансызбай
Сурет: vk.com, nur.kz, 900igr.net