Ержан Шынкеев "Қазақстан Барысы-2015" жеңімпазы болуға ниетті

"Өзімді жақсы сезінемін, мен өз бабымдамын. Бұйырса, осы жылы "Қазақстан Барысы" атағын жеңіп алуға тырысамын. Мен жеңгім келеді. Облыстық іріктеуде бірінші орын алып, финалға өттім", - деді ол.

Ержан қарсыластарының арасында өзі танымайтын спортшылардың да бар екенін айтты. "Жыл сайын қазақша күреспен айналысатын жастардың саны артып келеді. Бұл осы спорт түрінің кең таралуына септігін тигізеді", - деді Шынкеев.

Айта кетейік, Шынкеев 2013 жылы "Қазақстан Барысы" турнирінің финалына өтіп, Айбек Нұғымаровпен кездесуде жеңіліп қалды. Осыдан кейін Шынкеев төрешілердің шешіміне наразылығын білдірген еді. Осы қылығы үшін оның басы дауға қалып, ол 2014 жылғы турнирді өткізіп алды. Осы жылы Шынкеев "Қазақстан Барысы" турнирінің финалында өнер көрсетеді.

"Қазақстан Барысы-2015" 5 шілдеде Астана қаласында өтеді. Осы жылы турнир бесінші рет ұйымдастырылып отыр. Сайыс жеңімпазына 150 мың доллар, автомобиль, чемпиондық белбеу мен алтыннан жасалған "Тайтуяк" естелігі беріледі.