Ди Мария «Манчестер Юнайтедтен» біржола кетті

Аргентина ұлттық құрамасының жартылай қорғаушысы Париждің «ПСЖ» клубының сапын толықтырды. Дохада клубтың медициналық тексеруінен өткен футболшы француз клубына ауысқаны туралы мәлімдеп үлгерді.

- «ПСЖ» ойыншысы атанғаныма қуаныштымын. Париждік клуб өткен маусымда Франциядағы барлық жарыстарда жеңімпаз атанды. Мен енді Чемпиондар лигасында өз көмегімді тигіземін деген ойдамын, - деді жартылай қорғаушы.

Анхель Ди Марияның трансфер құны 63 миллион евроға бағаланып отыр. «Корольдік клуб» пен «Манчестер Юнайтед» арасындағы келісімшартқа байланысты 8 миллион евро мадридтік клубқа тиесілі болып отыр.

Айта кетейік, Анхель Ди Мария манкуниандық клуб сапында 27 ойынға қатысып, 3 гол соққан. 12 рет нәтижелі пас берген.