«Дэвис Кубогы». Федерер есепті теңестірді

Үш сетте де басымдығын байқатқан швейцариялық теннисші жерлесімізді 6:4, 6:4, 6:2 нәтижелерімен тізе бүктірді. Михаил барынша тырысқанымен, азулы қарсыласқа төтеп бере алмады.

Естеріңізге сала кетсек, алғашқы кездесуде қазақстандық Андрей Голубев әлемнің үшінші ракеткасы саналатын және Australian Open-2014 жеңімпазы Станислав Вавринканы жеңген болатын. Ертең кортқа жұптасып өнер көрсететін теннисшілер шығады. Ел намысын Александр Недовесов пен Евгений Королев қорғаса, қарсыластардан Роджер Федерер мен Станислав Вавринка өнер көрсетеді.

Дайындаған: Өмірбек Сансызбай

Сурет: sports.ru