Бокстан Украина құрамасы алғаш рет Азия чемпионатына қатысады. Бұл Таиландта өтетін жарыстың басты жаңалығына айналды, - деп хабарлайды msports.kz сайты.
Ерлер мен әйелдерді қоса алғанда Азия чемпионатына Украинаның 25 боксшысы қатысады. Олимпиада чемпионы Александр Хижняк болмаса да, құрамы мықты боксшылардан жасақталған. Азия чемпионатына қатысуға IBA рұқсат берген.
Қатысушылар арасында Еуропа чемпионы Айдер Абдураимов (-60 келі) және Париждегі Олимпиада ойындарында қатысқан Дмитрий Ловчинский (+92 келі) бар. Сонымен қатар Иван Сапун (80 келі), Богдан Толмачев (92 келі), жастар арасында 22 жасқа дейінгі Еуропа чемпионатының жүлдегері Андрей Ефимович (48 келі) және жасөспірімдер арасындағы Еуропа чемпионы Даниил Дрыжак (63,5 келі) енген.
Әйелдер арасында да үздіктерін бәсекеге алып барады.
Украина боксшылары бұған дейін жасөспірімдер арасындағы Азия чемпионатында бой көрсеткен еді.
Айта кетейік, бұған дейін Қазақстан құрамасы сапында қатысатын боксшылардың тізімі шыққан болатын.
Спорттық эмоциялардың бас демеушісі 1XBET компаниясы барлық жаңа пайдаланушыларға 200 000-ға дейін сыйлайды! Өзіңе ұнайтын спорттық іс-шараларды қара және фавориттеріңмен бірге жеңіске жет! Толық ақпарат 1XBET.KZ сайтында және қосымшасында!