Бекзат Нұрдәулетов пен Сағындық Тоғамбай Азия чемпионы атанды
Қазақ-өзбек текетіресіндегі соңғы жекпе-жекте Бекзат Нұрдәулетов Жасурбек Юлдашевті жеңіп шықты. 86 келіге дейінгі салмақтағы финалда отандасымыз 4:1 есебімен басым болды.
Ал 92 келіге дейінгі салмақтағы финалда Сағындық Тоғамбай тәжік боксшысы Парвиз Каримовты үш рет нокдаунға түсірді. Нәтижесінде екінші раундта рингтегі төреші жекпе-жекті тоқтатты.
Айта кетейік, бұған дейін шаршы алаңға шыққандар арасында Махмұд Сабырхан ғана чемпиондық атаққа қол жеткізген еді.