"Барселона" жаңа бапкерімен алғашқы матчын сәтті бастады (видео)

Қонақта өткізген жолдастық матч қорытындысында каталондықтар норвегиялық "Волеренганы" тас талқан етті. Кездесу ел астанасы Осло қаласында өтіп, ойын аяқталысымен "Барселона" таблода 7:0 есебін тіркеді. 

Жеңімпаз команда қатарынан Жан-Мари-Донгу дубльмен көзе түсті (51 және 56-минуттар). Сондай-ақ Алексис Санчес (4), Кристиан Тельо (6), Лионель Месси (13), Джонатан дос Сантос (42) және Хоан Роман бір-бірден гол соқты.

Айта кетейік, "Барселонаның" жаңа бапкері Мартино 26-шілде күні клубпен екі жылдық келісімге отырған еді. Ол каталониялық команданы соңғы бір жылда жаттықтырған Тито Виланованы ауыстырды. Соңғысы онкологиялық дертінің кесірінен команда бапкерлігінен бас тартқан еді.  

writeFlash({"src":"https://www.youtube.com/v/_PKIVhftiQo#at","width":"450","height":"320"});

Дайындаған: Болат Қосмағамбет

сурет: news.sportbox.ru